(D Date vo Google chasch eifach i din Kaländer überneh)
Hellooouu & WELCOME Friends
Ich bin d Cowgirl ISA, s Maskottchen und glichzitig d Inhaberin vom GoWildWest.
Mini erste Line Dance Steps hanich ez vor fascht 20 Johr gmacht und sither bin ich (wie fascht jede wos mol probiert het) süchtig deno. Und sit öpe 15 Jahr mach ich das hauptbrueflich. Toll gäl? Ich finds ebe au und genau das wet ich mit Eu teile.
Werom? Ganz eifach... besch unabhängig und chaschs elei mache. Und genau das esch au grad mis Grundprinzip.
Huusregle vom GoWildWest
- Da ich au do alles elleige mache, bin ich Eu dankbar, wenn ihr bim Heigoh Eui Gläser selber zrog ad Bar bringed.
- Bi mir esch alles alkoholfrei, eifach us dem Grund, will Alk nix Schlaus esch, wenn wetsch tanze.
- Und im wilde Weschte esch s Bargeld immerno s Beschte :)
All-Ein-Dänse
Line Dance esch wäge dem so cool, wills elei chasch mache. I de hötig Zit sind immer meh Lüt elei unterwegs... und bim Line Dance machsch zwar Allein-Dänse aber du ghörsch automatisch grad sofort zur ganze Gruppe dezue. Weisch... die meischte chöme nämmli elei...
Workshop Levels und Kurshopping
Du bestimmsch Dis Tempo und Dis Level.
Keis Abo und kei Verpflichtige.
Wenn Froge hesch, frogsch eifach: 078 78 552 48 / info@gowildwest.ch
Termine
Im Kalender chaschder ussueche, was wetsch lerne.
Modern Line Dance / New Line Dance
Mit New Line Dance gömmer mit de Zit. Sport zu aktuelle Welthits und zu de aktuelle Radiohitparade. Heisst ned zwingend neui Musik, das chönt au cooli Oldies si... eifach kei Country... Chömed lieber i Sneakers :)
Classic Line Dance
Mythos & typisch Country Line Dance... so wie mers no vo früener her kennt... Huet und Stiefel dörfe do ned fehle :)
Catalan Line Dance
Only Country Music (hets mol gheisse...)
Für Afänger
Kennsch das Spiel?
Ich go go wandere und packe i mi Rucksack i:
Do chöme immer die gliche Sache ine... Irgendöper seit immer: Banane, Apfel, Zahnbürste und irgendöper ganz Witzigs seit no öpis Speziells wo gar ned ine Rucksack dri passt, wie es Auto, e Dinosaurier oder es Ufo oder so.
Genau so funktioniert s Line Dance! Es sind immer die gliche Element, immer neu agordnet. Und öpis Speziells esch au immer debi wils eifach Spass macht.
Grundsätzlich eschs eh mega eifach und logisch ufbaut:
1) gosch rechts gosch links
2) gosch vöre, gosch zrogg
3) was mitem rechte Fuess machsch, machsch mitem Linke s glich
Gruuuundsätzlich.... Sobald s denn schwieriger wird, funktioniert das natürli nöm so eifach. Aber e Gruppebewegig eschs trotzdem, das heisst, wenns halt denn im Grapevine rechts got und im Rolling Vine zrog nach links, hesch immer no s Grundsätzliche vo: gosch rechts, gosch links. Zack, thats it.
Wenn de es schiwerigs Level hesch, denn eschs nöm logisch. Aber bis dethi vergot no es Wiili und bis denn chaschs automatisch au.
Learning by Doing!! Je meh dass mitmachsch, desto eifacher fallts der.
Glaubsch ned? Probier das Spieli mitem Rucksack us und du merksch, dass das immer wie eifacher wird go.
GoWildWest-Isabel
Teach Beginner Line Dances
Teach Improver Line Dances
Teach Intermediate Line Dances
Teach Advanced Line Dances
Am Bildschirm
gots am eifachschte: gosch i mi Kanal und zack... findsch alls :)
Youtube Mobil
Die Kanal-Suchfunktion gibt es nur mit einem Trick und muss über SAFARI geöffnet werden. Im Link brauchts das *m* https://m.youtube.com/@GoWildWestIsabel
Gots ned?
Denn mach das: Normale Suchfunktion im Youtube: Name, was du suchst und anschliessend immer: gowildwest
speichere diese Seite im Home Bildschirm, damit du es später als App jederzeit bequem nutzen kannst. Das geht so:
1. wichtig: Öffne Safari!
2.+3. Hinzufügen zum Home-Bildschirm
4. jetzt ist GoWildWest Youtube als App gespeichert
5. so kannst du bequem die Kurs-Choreos suchen
